loader image

Papardele sa tikvicama I gamborima

07.07.2020.

Potrebno je: 

  • 6 očišćenih gambora
  • 1 tikvica
  • 50 g isjeckanih šampinjona
  • 1 dl demiglasa od gambora
  • 100 g papardela
  • jedna supena kašika maslaca
  • 2 kašike maslinovog ulja
  • fond za nalivanje
  • so i biber
  • sitno sjeckan peršun

 

Priprema:

U odgovarajući tiganj staviti maslinovo ulje da se zagrije. Nakon toga staviti isjeckane tikvice i šampinjone. Nakon što se povrće malo prodinstalo, naliti fondom. Kada krene da krčka,  dodati isječene gambore ili cijele gambore po želji. Poslije kraćeg dinstanja, naliti demiglas od gambora i ostaviti da se još malo prodinsta. Pred kraj dinstanja dodati sitno isjeckan peršun i začiniti solju i biberom. Kako bi se sos povezao, dodati jednu kašiku maslaca. 
Nakon toga, u slanu vodu skuvati papardele i skuvane ih dodati u tiganj sa sosom i promiješati.
Ovako pripremljene papardele servirati na tanjir i dekorisati sa dva lista bosiljka.